Pe’ cient’anne…E ppure ‘e cchiù

Sacro è 'stu juorno 'e festa ca sulo 'nu miraculo pò ffà cchiù bello ancora. E allora, San Gennà, fa' ca st'allerìa nunn' ha dda fernì maje. Pe' cient'anne Sulo 'a fede era 'o ppane nuosto, quanno nu' ttenevemo niente. Ma mo ca stregnimmo tutte 'e stelle, pure 'o sole 'ncielo tene n'ata faccia. Grazie a Ddio e grazie a Ddios. Pe' cient'anne Nate e ccrisciute cu 'o stesso culore 'mpietto e 'nfaccia ê mmure. Sempe assieme, comme frate e ssore ca ogne ddumeneca tornano dint'â stessa casa. Pe' cient'anne Napule mia, tu sola saje 'o šcuro che avimmo visto. Mo prega, chiagne e ttifa cu nnuje. Perchè chisto è 'o mumento. Chisto è 'o mumento nuosto. Pe' cient'anne E prutieggece, a nnuje ca pure quanno ce perdimmo sapimmo sempe addó turnà, a nnuje ca dint' a 'stu stadio ce scurdammo 'e tutte cose. A nnuje ca nun te chiedimmo niente. Sulo… 'e fermà 'o tiempo e fà durà 'sta grazia. Pe' cient'anne …E ppure 'e cchiù